مغص وانتفاخات اثناء الامتحانات .. السبب؟؟
مجهول طرحت منذ 8 سنوات بنتي الكبيرة عندها 17 سنة، بتشتكي على فترات متباعدة من أعراض زي المغص او الانتفاخ، أو الرغبة في التقيؤ بعد ما تاكل، أو حتى اسهال او امساك مش حاجة محددة، لكن أنا لاحظت ان الاعراض دي مبتحصلش عندها الا في اوقات امتحاناتها او لو في توتر بتتعرضله ،، هل ده شئ طبيعي ولا مرض؟ واتصرف ازاي ؟
1 الإجابات
دكتور أحمد الحسيني إدارة الموقع answered 8 سنوات ده مش طبيعي ولكنه ايضا مش لدرجة انه يوصف بالمرض، بمعنى ان بنت حضرتك لما بتنفعل او تتوتر بينشط عندها الجهاز العصبي السبمبثاوي، وده رد فعل لا ارادي من الجسم ناحية المؤثر اللي بيواجهه. لما ده بيحصل عملية الهضم بتتأثر بشكل كبير جدا و بتتعطل، فالأكل بيفضل جوة جهازها الهضمي مدة اطول من الطبيعي و بالتالي بيحصل الانتفاخ والغازات وكل الأعراض اللي حضرتك ذكرتيها. الحل انها تحاول تتعامل بهدوء مع المؤثرات اللي لا مفر منها زي امتحاناتها مثلا، و تبعد عن ما يمكن تجنبه.. و في اي وقت حصلت ليها الحالة دي ممكن تاخد معلقة Digestin شراب 3 مرات يوميا قبل الأكل، و قرص Spasmodigestin وسط الأكل ايضا 3 مرات يوميا.
سجل دخول أو قم بالتسجيل ليتم طرح إجابتك