ألم في الصدر

أنا عندى 300 سنة والسنة اللى فاتت كنت بمر بظروف شخصية وكنت قلقانة جدا والموضوع ظهر عليا جسديا فى ضيق فى التنفس والم فى الصدر ولأن والدى مريض بالقلب خوفنا جدا وروحت للدكتور على طول وقالى لأ ده قلق وعلشان كدة عندك ضيق تنفس ونضبات قلب سريعة وقالى اعمل Eco وعملت وطلع كويس الحمدالله فقام ادانى دوا للقلق اسمه اندرال لمدة شهر اول 10 ايام مرتين فى اليوم وتانى 10 ايام كل يوم وبعدين اخر 10 ايام يوم ويوم وبعدين اتحسنت بس القلق رجعلى تانى الفترة دى وبرضو على طول حاسة بألم ونغز فى الصدر من ناحية القلب وعلى طول ضربات قلبى سريعة! يعنى نفس الاعراض اللى كانت موجودة! ياتري لو استمريت على الاندرال فى ضرر؟ هو كان اندرال 10 ولا اكشف على القلب تانى ولا اعمل ايه؟ انا بحاول ابعد نفسى عن القلق على قد ما اقدر بس طبعا مفيش حياة مفيهاش قلق وضغط نفسى وعصبى