كيفية حساب جرعات الادويه في الاطفال

هنشرح في الموضوع معادلات حساب جرعات الادويه في الاطفال بالتفصيل بحيث يتم تذكرها بسهوله.

اول خطوه بنحسب الجرعه اللي هياحتجها الطفل في اليوم لأن كل الادويه بيبقى كتبلك الجرعه اللي هيحتجها الطفل لكل كيلو في اليوم  فدي خطوه سهله يدوب بتضرب الوزن في الجرعه اللي هيحتاجها الطفل اللي  هو قيلهالك في النشره

 المعادله الاولى لكيفية حساب جرعات الادويه في الاطفال :

الجرعه للطفل في اليوم = الوزن x  الجرعه/كيلو/يوم

دي بتبقى معادله ثابته في جميع الشكل الدوائي للادويه من شراب , حقن حتى اقراص لو الطفل كبير شويه وهي هتديك الطفل هياخد جرعه (مجم) قد ايه من الدوا في اليوم وبعد كده انت بقى في المعادله التانيه هتحولها لكمية (سم/ملل) علي حسب التركيز اللي عندك في الدوا  يعني هتشوف هتبقى كام سم من خلال المعادله التانيه

مثلا الجرعة للأطفال من اموكسيسيلين Amoxicillin + كلافيولينيك Clavulanic (مثل هاي بيوتك Hibiotic) بتبقى 60 : 90 مجم/كجم/يوم انت بتشوف شدة المرض وتختار التركيز احنا هنقول المتوسط ونحسب على 70  لطفل وزن 15 كيلو

هتبقى المعادله: جرعة الاموكسيسيلين + الكلافيولينيك للطفل في اليوم = (الوزن) 15 x (الجرعة) 70 =  1050 مجم/يوم

…………………………………..….…………………………………..….…………………………………..….…………………………………..….…………………………………..….

 المعادله الثانية لكيفية حساب جرعات الادويه في الاطفال :

والمعادله التانيه بنستخدمها دايما في الاشربه واوقات في الحقن لو الطفل صغير ومبنستخدمهاش في الاقراص وهي جت من ان تركيز الشكل الدوائي للدوا للي احنا مستخدمينه دايما ثابت فاحنا هنحول الجرعه اللي محتاجها الطفل في اليوم من المجم للسم من خلال ضرب الوسطين في الطرفين قاعدة الرياضايت القديمه واصل المعادله كان

واتحول للمعادله الثانيه

مثال تكملة المثال الاول هنستخدم الشكل الدوائي الشراب ذو التركيز 457 مجم/ 5 سم فهنعوض

كمية الاموكسيسيلين + الكلافيولينيك اللي هياخدها الطفل في اليوم= 1050 هنضربها في 5 ونقسمها على 457 = 11.5 سم تقريباً هياخدهم الطفل في اليوم هنقسمهم على عدد الجرعات هيطلعلنا هنديله قد ايه في الجرعة الواحدة

…………………………………..….…………………………………..….…………………………………..….…………………………………..….…………………………………..….

المعادلة الثالثة لكيفية حساب جرعات الادويه في الاطفال :

الكمية في الجرعة الواحدة = الكمية في اليوم (ناتج المعادلة الثانية) / عدد الجرعات

نكمل المثال السابق

الكمية في الجرعة الواحدة= 11.5 / 3 = 4 سم تقريباً

…………………………………..….…………………………………..….…………………………………..….…………………………………..….…………………………………..….

 متوسط وزن الاطفال في الاعمار المختلفه:

دي لازم تحفظها لأنها هتفيدك كتير ودي هنعوض بيها في معادلات حساب جرعات الادويه في الاطفال اللي فوق او اللي اختصارات اللي تحت في حالة لو مفيش ميزان في المكان اللي احنا فيه بس طبعاً يفضل استخدام الميزان في جميع الاوقات وطبعا مهما يكون وزن الطفل مبتدلوش جرعة اكبر من جرعة البالغين.

• عند الولادة 3.5 كجم.
• عند 4 شهور 6 كجم.
• عند 8 شهور 8 كجم.
• عند سنه 10 كجم.
• عند سنتين 13 كجم.
• عند 3 سنوات 15 كجم.
• عند 6 سنوات 21 كجم.
• عند 9 سنوات 28 كجم.
• عند 12 سنه 40 كجم.
• عند 15 سنه 57 كجم.

– هنوضح مثال لكل شكل دوائي من اشربه وحقن واقراص

1- الاشربه:

لقد ذكرنا مثال في الشرح السابق تحت كل معادله اقراه

في بعض الاختصارات من اجل التسهيل والاختصارات دي صحيحه ومعتمده على معادلات حساب جرعات الادويه في الاطفال اللي فوق

– اختصارات خاصة ببعض الاشربه المهمه:

كثير من الاشربة تحسب بطريقة: الجرعة الواحدة= الوزن/ 3  وتعطى كل 8 ساعات.

1. الامبسيلينات (الامبسيلين, اموكسيسيلين – Amoxicillin) واموكسيسيلين Amoxicillin + كلافيولينيك Clavulanic (مثل أموكلاوين Amoclawin, هاي بيوتك Hibiotic):

   • الشراب ذو التركيز 156 : كمية الجرعه في المره الواحده = وزن الطفل / 2  وتعطى كل 8 ساعات.
   • الشراب ذو التركيز 228 : كمية الجرعه في المره الواحده = وزن الطفل / 3 وتعطى كل 8 ساعات.
   • الشراب ذو التركيز 250 : كمية الجرعه في المره الواحده = وزن الطفل / 3 وتعطى كل 8 ساعات.
   • الشراب ذو التركيز 312 : كمية الجرعه في المره الواحده = وزن الطفل / 3 وتعطى كل 8 ساعات.
   • الشراب ذو التركيز 457 : كمية الجرعه في المره الواحده = وزن الطفل / 4 وتعطى كل 8 ساعات.

2. الادوية الخافضة للحرارة, الكحه, بريدنيزولون Prednisolone (مثل بريدسول Predsol) وأدوية المعدة تريمبوتين Trimebutine (مثل الجاست ريج Gast-Reg):

   • الجرعة في المره الواحده = الوزن / 3  وتعطى كل 8 ساعات ويستخدم باراسيتامول Paracetamol (مثل سيتال Cetal) من عمر يوم وايبوبروفين Ibuprofen (مثل بروفين Burofen) ليس قبل عمر 6 شهور والديكلوفيناك Diclofenac مثل (كاتافلاي Catafly) ليس قبل سنه.

3. باراسيتمول  نقط:

   • الجرعة في المره الواحده = 3 نقط لكل كيلو وتعطى كل 8 ساعات.

4. أدوية الحساسية:

   • تعطى حسب العمر حيث: من عمر يوم يعطى > الفينستيل Fenistil .. أكبر من 6 أشهر > سترزين Cetirizine (زيرتك Zyrtec) .. أكبر من سنه >  لوراتادين Loratadine (موزيدين mosedin, كلاريتين Claritine) .. أكبر من سنتين > إيباستين Ebastine (إيفاستين Evastine) .. والجرعة يومية تعطى مرة واحدة عند النوم ما عدا الفينستيل Fenistil يمكن أن تعطى عند النوم او تقسم كل 12 ساعة.
     • شراب الفينستيل: الجرعة اليومية =  1 سم / 2 كجم.
     • نقط الفينستيل: الجرعة اليومية =  نقطة /  كجم.

5. نانازوكسيد Nanazoxid:

   • عمر أقل من 3 سنوات > 5 سم  (معلقة كبيرة) كل 12 ساعه .. من عمر 4 : 11 سنوات > 10 سم (معلقتان كبيرتان) كل 12 ساعه.

6. الازيثروميسين (ليس قبل عمر 6 شهور) 20 مجم/كجم/يوم:

   • تركيز 200مجم/5سم: الجرعة اليومية = وزن الطفل / 2 ويعطى لمدة 3 ايام.
   • تركيز 100مجم/5سم: الجرعة اليومية = وزن الطفل / 1 ويعطى لمدة 3 ايام.

7. السبترين septrin (مش قبل عمر 3 شهور ولا في انيميا الفول) شراب:

   • الجرعة في المره الواحده = الوزن / 2 كل 12 ساعه.

8. السيفكسيم cefixime:

   • الجرعة اليومية = الوزن / 2.5 وتعطى مرة واحدة يومياً.

9. أمريزول Amrizole وفلاجيل Flagyl أشربة:

   • الجرعة الوحدة = الوزن / 1.5 وتعطى كل 8 ساعات في حالة الاميبا اما في حالة الجيارديا Giardia بنحتاج نص الجرعة دي بس (نقسم على 3)

10. فروز Ferose:

    • الجرعة الواحدة = 3سم لكل 10 كيلو وتعطى كل 12 ساعة.

11. فيتافيرول Vitaferrol:

    • الجرعة الواحدة = 4سم لكل 10 كيلو وتعطى كل 12 ساعة.

12. فيتامين دي (Decal, Vitacal, Calcical):

    • الجرعة الواحدة = 5سم تعطي 3 مرات يوميا للعلاج .. ومرة واحدة يومياً للحماية.

13. ديجستين digestin:

    • من عمر 1 : 3 سنوات > 2.5 سم كل 8 ساعات .. من 3 : 12 سنة 5 سم كل 8 ساعات .. ويعطى اثناء او بعد الاكل.

14. كلورال هيدرات Chloral hydrate:

    • الجرعه = الوزن / 2.

15. آسيكلوفير Acyclovir (زوفيراكس Zovirax):

    • الجرعة الواحدة= 8 شرط / 10 كجم تكرر كل 8 ساعات لمدة 7 أيام.

16. امبروكسول نقط Ambroxol – برونكوبرو نقط Bronchopro:

    • نقطتين / كجم/ اليوم تقسم على جرعتين صباحا وعصرا (يمكن مضاعفة الجرعة)

17. بيكولاكس Picolax – نورمالوكس Normalax:

    • نقطة / كجم / الجرعة مرة واحدة عند النوم (لا يزيد عن 15 نقطة )

18. دنتينوكس نقط Dentinox oral susp:

    • قبل سنة  > 2.5 سم 3 مرات يوميا بعد الرضاعة .. بعد سنة  > 5 سم 3 مرات يوميا بعد الرضاعة او الطعام.

19. ماء غريب  Grip water – بيدي وتر Pedi water – نيو أكوا ڨيرا Neo Aqua Vera – كالم ج Calm G:

    • 2.5 – 5 سم   3 – 4 مرات يوميا قبل الرضاعة بنصف ساعة.

20. ميكوناز جل للفم Miconaz Oral Gel (ميكونازول Miconazole):

    • اقل من سنتين: ربع ملعقة /6 ساعات لمدة 7-10 أيام .. اكبر من سنتين: نصف ملعقة/6 ساعات لمدة 7-10 أيام.

21. ديفلوكان Diflucan تركيز 25mg/5ml (فلوكونازول Fluconazole):

    • الجرعة= 6-12 سم /10 كجم /اليوم جرعة واحدة أو تقسم على جرعتين.

22. بيبي فيت Bebe-vit drops:

    • الجرعة= 5-10 نقط مرة يومياً.

23. فروتال Fruital:

    • الجرعة= 5 سم مرة يومياً.

24. في دروب Vidrop – فيتامين د3 نقط Vitamin D3:

    • الجرعة= 4 نقط  مرة يومياً.

25. نازوتال Nasotal – كرومولين نقط للأنف Cromolyn nasal drops:

    • الجرعة= 1-2 نقطة بالأنف مرتين يومياً يمكن استعمالها لفترات طويلة جدا للحماية من حساسية الأنف, ممنوع قبل 6 شهور

26. الاميولانت Immulant:

    • الشراب (90مجم) > 5-10 سم 1-3 مرات يومياً .. الكبسولات (200مجم) > كبسولة 1-3 مرات يومياً

27. هيباتيكوم Hepaticum:

    • الجرعة اليومية= ا سم لكل كجم تقسم على 2 – 3 جرعات.

28. يوريبان Uripan (من سن 6 سنوات):

    • الشراب > 5 – 10 سم قبل النوم بساعة .. الأقراص > قرص-قرصين قبل النوم بساعة.

—————————————————————————————-

2- الحقن:

مثال 1: طفل وزنه 20 كيلو نعاوزين نعطيله سالبين sulbin جرعته هتكون كام؟

عرفنا من هنا على الموقع او اي مصدر ان جرعة السالبين للأطفال بتبقى 100 : 200 مجم/كجم/يوم وتقسم على جرعتين, احنا هنستخدم المتوسط 150 مجم بفرض ان الطفل مرضه متوسط الشده وهنعوض في المعادلات.

المعادله الاولى:  الجرعه للطفل في اليوم = 20 الوزن x  الجرعه 150 = 3000 مجم/يوم.

احنا مش هنحتاج المعادله التانيه هنا لأن الجرعه اليوميه اعلى من تركيز الحقن .. فاحنا هنستخدم الحقنه كامله.

المعادله الثالثه: الكميه في الجرعه الواحده = 3000 / 2 = 1500 مجم .. يبقى الطفل هياخد حقنه تركيز 1.5 جرام كل 12 ساعه وهنحل الحقنه على 3 سم لو هنديها عضل فلا تكون خراج وهنحلها على 5 سم لو هنديها وريد فلا تتسبب في التهاب الاورده.

مثال 2 : طفل وزنه 10 جرام نريد اعطائه سيفوتاكس Cefotax كم ستكون الجرعة؟

جرعة السيفوتاكس 100 : 200 مجم/كجم/يوم تعطى عل جرعتين وهنستخدم جرعة 100 مجم با عتبار ان مرض الطفل متوسط الشده.

المعادله الاولي: الجرعه للطفل في اليوم = 10 الوزن x الجرعه 100 =  1000 مجم/يوم (من الناتج هنا نقدر نحدد تركيز الحقن اللي احنا نستخدمه فممكن نستخدم 500 او 1000 مجم وهختار تركيز 1000 مجم واحلها على 3 سم لأنها هتبقى اوفر بالنسبه للمريض وايضاً الطفل هياخد كميه اقل فلا يتكون خراج)

المعادله الثانيه: كمية الدواء اليومية =  1000 مجم (ناتج المعادله الاولى) x (كمية المحلول) 3 سم / 1000 مجم (جرعة الحقنه المستخدمه) = 3 سم

المعادله التالته: كمية الجرعة الواحده =  3 سم / 2 = 1.5 سم كل 12 ساعه.

– اختصارات خاصة ببعض الحقن المهمه:

1. أمبيسيلين + سالبكتام (سالبين Sulbin):

   • عمر أقل من سنه (وزن أقل من 10 كجم): حقنة تركيز 375 مجم كل 12 ساعة.
   • عمر من 1 : 6 سنوات (وزن من 10 : 20 كجم): حقنة تركيز 750 مجم كل 12 ساعة.
   • عمر أكبر من 6 سنوات (وزن أكبر من 20 كجم): حقنة تركيز 1.5 جم كل 12 ساعة.

2. ديكساميثازون Dexamthasone او سولو كورتيف Solu-Cortef:

   • الجرعة الواحدة= 1 سم لكل 8 : 10 كجم.

3. افيل Avil pheniramine maleate (لا يعطى قبل عمر سنتين):

   • الجرعة الواحدة= 1 سم لكل 15 كجم.

4. ديكلوفيناك Diclophenac(لا يعطى قبل سنة وليس لمريض ربو):

   • الجرعة الواحدة= نصف سم لكل 10 كجم كل 12 ساعة.

5. بيرفالجان Perfalgan (باراسيتامول Paracetamol):

   • الجرعة الواحدة (يمكن تكرارها كل 6 ساعات)=
     • لو الوزن أقل من 10 كجم >  3/4 (ثلاث ارباع) سم  لكل كجم.
     • لو الوزن أكبر من 10 كجم > 1.5 سم لكل كجم.

6. رانتدين (زنتاك) Ranitidine:

   • الجرعة الواحدة= 1 سم لكل 10 كجم.

7. كورتيجين ب6 Cortigen B6: الجرعة الواحدة=

   • عمر أقل من سنتين: نصف الحقنة عضل تركيز 50 مجم كل12 ساعة.
   • عمر 2 – 6 سنوات:  حقنة عضل تركيز 50 مجم كل12 ساعة.
   • عمر أكبر من 6 سنوات: حقنة عضل تركيز 100 مجم كل12 ساعة.

8. اوندانسيترون Ondansetron ( دانست Danset, زوفران Zofran):

   • الجرعة الواحدة= 1 سم لكل 13 كجم  كل 12 ساعة.

9. فيسيرالجين Visceralgine (ليس قبل عمر سنتين):

   • الجرعة الواحدة= نصف سم لكل 10 كجم  ويمكن تكرارها 4 مرات يوميا.

10. بوسكوبان Buscopan:

    • الجرعة اليومية= ربع سم لكل 10 كجم تعطى مرة واحدة يومية.

11. نيوريل Neuril:

    • الجرعة الواحدة= 1 سم لكل 10 كجم ( شرطة لكل كجم)  تعطى وريدي ببطء على 3 دقائق أو عن طريق الشرج ولو توقفت التشنجات يتم توقيف النيوريل حتى لو لم تنتهي الجرعة … يمكن تكرار الجرعة بعد 5-10 دقائق.

—————————————————————————————-

3- الأقراص واللبوس:

يتم حساب جرعات الادويه في الاطفال باستخدام المعادلات كما سبق.

بعض الاختصارات:

1. دولفين أقماع Dolphin Suppositories (لا تستخدم قبل سنة):
   • من  عمر سنة – 3 سنوات > لبوسة 12.5 كل 12 ساعة.
   • من 3 – 9 سنوات > لبوسة 25 كل 12 ساعة.
   • أكبر من 9 سنوات > لبوسة 50 كل 12 ساعة.

دا مصدر هتلاقي فيه معظم التركيزات للأدوية المستخدمه في الاطفال جرعات معظم ادوية الاطفال المستخدمة فى السوق المصرى بطريقة عملية.

لو في اي اضافات او استفسارات ارجو ذكرها في التعليقات.

يمكن تحميل موضوع حساب جرعات الادويه في الاطفال على هيئة ملف pdf للاستعانه به في اي وقت من خلال ذلك الرابط.