الحروق Burns .. كيفية التعامل مع الحروق .. وما الاسعافات الاولية لها؟
الحرق .. Burn … أسبابه
- حرارة (بوتوجاز أو زيت أو ماء سخن أو كبريت ….)
- التعرض لأشعة الشمس الشديدة ذى المصيف
- أو بسبب الكهرباء
- أو بسبب المواد الكيميائية ذى البوتاس وماء النار)
- وفيه أسباب تانية ذي الإشعاعات ….
ولد صغير فى البيت وقع عليه ماء سخن أو الأم أو البنت فى البيت اتلسعت من اى حاجة أو واحد الحرق من اى سبب ….. اعمل ايه ؟؟؟
كتير منا فى البيت بيقولوا ….أجرى جيب معجووون أسنان ويحطه على الحرق ….
ناس تانية هات يا يابنى شوية دقيق ..
أجرى يا واد هات بيضة وافقشها وهايحطها على الجرح ….
أجرى هات حتة ثلج بسررررعة …….هاااااااات هاااااات ..،،
كل ده غلط خالص ….المعجون فيه مواد كيميائية هتخلى الجرح يولع اكتر ..الثلج لو واحد سليم حط ايده فى الثلاجة بتوجعة وتالمه فما بالك بالى ايده بتوجعة …والبيض هيعمل انفكشن ويجيب بكتيريا طيب نتصرف ازاى ؟؟
أولا هتصرف على حسب درجة الحرق ::::طيب تعالوا نعرف درجات الحرق ….
– الدرجة الأولى .. 1st degree: ده بيبقى واخد طبقة الepidermis بس يعنى الطبقة الخارجية من الجسم وده بيظهر على هيئة احمرار….فى الجلد وبيكون مؤلم ذى المصيف كده أو فى البيت لو حرق بسيط وده بيلتأم بسرعة
– الدرجة الثانية ….2nd degree: ده بيبقى واخدىepidermis وجزء من ال dermis وبيكون مؤلم ..وبياخد فترة أكبر علشان يلتأم .. ولونه بيتراوح بين احمر او ابيض ومعاه فقاقيع (blisters) وده بيحصل لو حد فى البيت اتلسع جااامد وبينقسم الى سطحي وعميق
– الدرجة الثالثة 3rd degree: وده بياخد كل طبقات الجلد ربنا يعافينا وبياخد فترة كبيررررة جدا علشان يلتأم وممكن يحتاج ترقيع (إزالة الجلد من منطقة لوضعها فى منطقة اخرى).. وده بقى بيبقى الشكل بتاع الحرق ربنا يعافينا وده بينتج عن الحرق نتيجة الكهرباء أو المواد الكيميائية الشديدة أو ماء سخنة جااااامد.
***فى طريقة أخرى لتصنيف درجة الseverity بتاعة الحرق يعنى شدة الحر نفسة بس مش لازم نقولها ناو …
ازاااااى نعمل اسعافات أولية بقى لحروق #الدرجة_الأولى_والثانية ؟؟؟؟ مهمة جدااااااااا
- أولا نحط الحرق تحت ماء جارى ماية الحنفية يعنى لمدة لا تقل عن 20 دقيقة ….
- وبعد كده نغسله ب saline وتحط كريم حروق ذى dermazin مثلا
- ونحط عليه شاش فازلين
- وادي antibiotic علشان اتجنب حدوث secondary bacterial infection على مكان الحرق مثل هاي بيوتك مرتين يومياً
- ولو هو مؤلم أدى مسكن مثل ديكلوفين 50 ثلاث مرات يومياً ..،،،
- واقوله غير على الجرح بكريم dermazin والشاش الفازلين كل يومين ولو الشاش فيه إفرازات يغيره على طول مش لازم يقعد لمدة يومين يعنى…… تمام كده ..
طيب لو فيه فقاقيع (blisters )اطرقعها بدبوس يا دك ؟
لااااااااااااااااه ده أكبر غلط ….لو هيا صغيرة هسيبها لو كبيرة الدك هيفضيها في مكان معقم وبادوات معقمه aspiration of secretion under complet aseptic condition.
طيب ليه يا دك ما افرقعهاش واخلص علشان لو فرقعتها وشيلت الغشاء إلى عليها هعرضها للبكتيريا وتانى حاجة الجسم هيفقد البلازما إلى فيها إلى بتساعد فى عملية الhealing. اوك.
طيب #حروق_الدرجة_الثالثة: انا بفضل أننا نشوف الvital signs المؤشرات الحيوية المختلفة مثل الضغط والتنفس والنبض والحرارة ونبعده عن المصدر إلى سبب الحرق سواء كهرباء أو مواد كيميائية ونروح على المستشفى قسم الحروق وهما يقوموا بالواجب …
##تلخيص ::لا نستخدم معجون ولا ولا …ولا نفرقع الblisters …
ما نحطش قطن ولا شاش ناشف لأنه هيمسك فى الحرق ولو جينا نشيلة هتعيط جنب المريض من صويته.
الإسعافات الأولية للحروق الكهربائية:
- افصل التيار الكهربائى فوراً قبل لمس المصاب .
- تأكد أن المصاب يتنفس وأن قلبه مازال ينبض وذلك بإحساس النبض .
- ابدأ فوراً فى عملية الإنعاش للقلب والتنفس إذا لزم الأمر .
- التوجه للمستشفى فورا حيث يتم متابعة المؤشرات الحيوية المختلفة الvital signs مثل الضغط والتنفس والنبض والحرارة ويتم اجراء رسم قلبي ووضع المريض تحت الملاحظة كما يتم تطهير والعناية بالحرق الناتج كما سبق ذكره.
الإسعافات الأولية للحروق الكيماوية:
- انزع الملابس الشخص عن الجزء المصاب فوراً .
- اغسل الجسم بماء غزير لمدة 30 دقيقة .
- فى حالة إصابة العين تغسل بالماء جيداً .
- اطلب الإسعاف فوراً .
الكاتبة: الدكتورة أسماء رضا عبد المعطى
