اختبار الحمل المنزلي (شريط اختبارالحمل)
هتكلم معاكم عن اختبار الحمل المنزلي ..
طيب تعرفوا إيه فكرة عمل اختبار الحمل المنزلي (شريط اختبارالحمل) ده ؟؟!
– بنعتمد علي قياس نسبة هرمون HCG ف البول ..
وده يتم افرازه من البويضة المخصبة بعد إلتصاقها في جدار الرحم وده بيكون بعد اسبوع من حدوث التخصيب ..
نيجي للسؤال المهم بقا .. أمته الزوجة تعمل إختبار الحمل المنزلي ؟!
– الأفضل عمله بعد 10 ايام من الميعاد المفترض نزول البريود (الدورة الشهرية) .. عشان نضمن عدم حدوث خطأ في النتيجة .
أمته بقا تعمله الزوجة ؟؟!
– يفضل عمل الاختبار بأول بول ف الصباح ..بيكون تركيز الهرمون أعلي في الصباح ..
ويفضل تبول أول قطرات من البول في الحمام وبعد كده نعمل
اختبار للباقي والانتظار لمدة 10 دقائق قبل قراءة النتيجة
طيب ي دكتور ازاي أعرف أن النتيجة ايجابية Positive ؟؟!
– في معظم الأنواع بتكون :
أول خط بيدل أن الاختبار تم بطريقة سليمة وده بنسميه Control
تاني خط بيدل علي أن النتيجة ايجابية Positive ( الزوجة حامل ) 
حتى لو باهت
عدم ظهور خطوط بيدل علي خطأ ف الأختيار .. 
يجب ايضا التأكد من التعليمات الموجوده في علبة شريط الحمل
طيب لو ظهرت النتيجة Positive المفروض تعمل ايه ؟؟!
– بعد كده بتعمل اختبار الحمل ف الدم للتأكد من النتيجة
Blood- HCG test
أتمني تكون المعلومة بسيطة ..
الكاتب: محمد القاضي
